COVID-19 - SYSCA • Salvamento y Socorrismo Carballo

Protocolo de actuación do SYSCA frente á crise sanitaria do COVID-19

Antes de acudir a unha competición e/ou actividade deportiva, sexa nunha instalación acuática pechada ou en espazos naturais, todas as persoas deben realizar un autotest de confirmación de síntomas (tos, febre, falta de alento, gusto ou olfato....)
As persoas que teñan calquera tipo de síntoma de COVID‐19 ou estiveran en contacto con persoas contaxiadas deben comunicalo ás autoridades competentes á maior brevidade e non poderán acceder a ningunha actividade.
Será obrigatorio o control de temperatura con termómetro ao entrar na instalación ou no espazo natural onde se vai realizar a actividade. Se se detecta febre, a partir de 37,5º C, non se poderá acceder ao recinto nin realizar a actividade e comunicarase ás autoridades sanitarias.
É obrigatorio o uso de máscaras e lavado de mans con xeles desinfectantes ou xabón en todos os accesos ás instalacións, e durante a estancia nas mesmas, sempre que a propia actividade o permita.
Manterase a distancia de seguridade interpersoal de 1,5 metros sempre que sexa posible.
Débese respectar sempre o aforo máximo permitido nas instalación onde se realice a actividade ou competición.
Non está permitido o uso compartido de alimentos e bebidas.
Fomentarase o intercambio de información de forma dixital, evitando o soporte físico.
A práctica deportiva pódese realizar de forma individual e colectiva, sen contacto físico e ata un máximo de 25 persoas simultaneamente. Todos os exercicios desenvolveranse mantendo sempre unha distancia de seguridade interpersoal.
Ficar o menor tempo posible nas zonas de acceso, recepción ou tránsito das instalacións ou espazos de adestramento.
Prestar atención ás máscaras que son retiradas no momento antes do adestramento para que, cando éste finalice, non se mesturen coas dos demáis compañeiros e compañeiras.
Sempre que sexa posible, acudir ao adestramento coa roupa deportiva que se vaia utilizar para minimizar espazos comúns de cambio de indumentaria.
Só se permite un único acompañante para os deportistas menores de 7 anos, ou deportistas de natación adaptada. Dito acompañante deixará preparado ó deportista na maior brevedade posible, e retirará as pertenzas do mesmo, deixando o vestiario totalmente baleiro.
Os pais, nais e titores deben manter as distancias de seguridade no exterior da instalación e cumprir tódalas normas de protección e prevención, evitando o contacto físico, e facendo uso de máscara e do xel hidroalcohólico.
O acceso á instalación realizarase 15 minutos de antelación ó inicio do curso e seguindo as sinalizacións de circulación da instalación.
Tódalas pertenzas dos deportistas, teñen que ser recollidas nas súas mochilas, de xeito que o vestiario quede baleiro, e débense colocar o material no lugares indicados: chanclas e máscara dentro da funda de plástico.
A entrada na auga así como a saída da mesma, realizarase de xeito escalonado mantendo a distancia de seguridade e evitando tocar as escaleiras tubulares, se é o caso.
Unha vez dentro da auga, o deportista debe ocupar o espazo asignado e/ou realizar os desprazamentos na dirección e sentido indicados polo monitor. Únicamente poderán deterse nos lugares e momentos indicados polo monitor.
Os deportistas poderán usar os aseos preferentemente de uso individual, e sempre acompañado no traxecto polo persoal da instalación. O uso do aseo non será para outro fin que o propio e durante o tempo imprescindible. Lavarase ás mans ó rematar, e relizarase a desinfección tras cada uso.
A metodoloxía empregada para dar a clase debe incluir formas de organización dos espazos e actividades que permitan manter a distancia de seguridade.
Durante a clase evitaranse explicacións con aglomeracións que non manteñan a distancia de seguridade.
Tanto monitores coma deportistas, realizarán os desprazamentos pola zona húmida con chanclas desinfectadas anteriormente e seguindo as sinalizacións de circulación, mantendo as distancias e usando a máscara.
Non está permitido o uso compartido do material deportivo de uso simultáneo (cronómetros, carpetas, bolígrafos, rotuladores..) entre os monitores.
O material deportivo de aprendizaxe utilizado en diferentes clases/quendas deberá vir desinfectado, e os deportistas non poderán compartilo.
Os deportistas serán entregados polos monitores no seu vestiario correspondente e usaranse marcas para facilitar a distancia de seguridade.
Os acompañantes de deportistas ate 7 anos inclusive ou no caso de deportistas de natación adaptada, deben acceder ó vestiario á hora exacta de remate do curso, cos enseres persoais do participante.
O acompañante recollerá ó deportista (no caso de nenos menores de ate 7 anos inclusive, ou no caso de deportistas de natación adaptada), quen fará unha ducha rápida e tras colocar máscara, vestirse e recoller todo o material persoal, abandonará os vestiarios segundo a circulación indicada na instalación e mantendo distancia.
Os acompañantes dos deportistas de 8 anos e máis, agárdannos no exterior da instalación.
Nas competicións federadas poderanse realizar probas individuais e colectivas sen contacto físico, mantendo unha distancia de seguridade interpersoal e cumprindo sempre tanto as normas sanitarias do órgano competente como as medidas que se recollen neste protocolo.
A presenza de público en competicións ou eventos federados estará permitida en función do disposto en cada momento polas autoridades sanitarias, sempre que haxa posibilidade e que isto non límite o número de participantes na dita competición ou evento.
Desprazamentos aos adestramentos e ás competicións: Non compartir vehículo particular con outras persoas non conviventes, sempre que sexa posible. De non ser así, priorizar formas de desprazamento que favorezan a distancia interpersoal e, en todo caso, utilizar máscara. Ademáis, é importante un asiduo lavado de mans ou emprego de xel hidroalcólico antes de entrar e despois de saír do vehículo.